Alle Episoden

22_Lügä

‧ 65m 17s

Mir si zrüg!! Ab sofort wieder au zwo Wuche e nöii Foug vo üs.
Mir hei üs mitem Thema Lüge usenanggsetzt und versuecht, mitenang ds definiere, wo ds Lüge afaht, wo dasses ändet, wases mit eim macht weme lügt oder agloge wird und wo im Läbe mir immer wieder quasi gseuschaftlech anerkannte Lugine begägne.

Los üsi Playlist zum Podcast:
https://open.spotify.com/playlist/5YDf2AevoGyVkRyF6doBYC?si=c3f759c9e01b4ba3

Foug üs uf Instagram:
https://www.instagram.com/dosaesekt_lattaeroscht_/

Schrib nis es Mail:
dosaesekt_lattaeroscht@gmx.ch

Intro & Outro:
https://www.sonidaproductions.ch/

21_Komplexe

‧ 65m 13s

Mir hei gengno di liebi Sima ds Bsuech bi üs und rede über körperlechi Komplexe. Warum hei eiglech so viu Mönsche Komplexe bezüglech ihrem Körper? Mir wei üsi Komplexe usspräche, mitenang bespräche und hoffe, angerne dadermit ds Gfüeu chönne ds gä, dass sie nid allei si.

20_Zuckerverzicht

‧ 49m 55s

DJäslä u dSima hei e Monet lang uf Zucker verzichtet u brichte i dere Foug über ihri Erfahrige. Isch no erstunlech, wo überau Zucker drin isch, obwou mes gar nid erwartet. DLena het irgendwenn mau es paar Semester Ernährigsberatig gstudiert und hout ihres aute "Wüsse" vüre ;)

19_Psychiatriepfleg

‧ 81m 28s

Mir hei dSarah dörfe kennelehre, wo aus ambulanti psychiatrischi Pflegefachfrou schaffet. Nöigierig wimer si, heimer se über ihres Arbeitsgebiet usgfragt. Daderbi heimer gmerkt, dasmer eiglech viu zwenig wüsse über das würklech geniale Agebot, wo aune, wos bruche, offesteit. Mir wei ufmerksam mache und informiere, überne Berich ir Gsundheit, wo üsere Meinig nah no viu z'unbekannt isch.

Links für witerfüehrendi Infos:
Der Arbeitsplatz vor Sarah: https://www.pfapp.ch/
Suechsch ä Spitex: https://www.opanspitex.ch/
Für Aghörigi: https://www.pzmag.ch/eintritt-und-aufenthalt/das-psychiatriezentrum/angehoerige

18_Wuet

‧ 70m 29s

Mir wei hässig si, wemer nis dernah füehle. Wuet isch es Gfüeu, wo nach üsere Meinig ir Gseuschaft oft e schlächtere Ruef het auses verdient. Trotzdäm fühele mer is mängisch schuldig, eso ds füehle. Üse Gast, dSabrija, hautet es Plädoyer fürnes natürlechs Gfüeu.

17_Stärneching

‧ 58m 23s

DSabrija verzeut üs di bewegendi Gschicht vo ihrere Schwangerschaft und wies äbe när nid guet cho isch. Der Wäg vom Schock zur Vorfröid, düre Schmärz - u trotzdäm witermache. Ds Guete nid ufhöre ds gseh.
Mir wei ufs Thema Fäugeburt, früehzitigi Abbrüch, etc iga, däm meh Ruum gä, wius ou derzue ghört und niemer mit so öpisem söu müesse allei si.

Triggerwarnig: Schwangerschaft, Fäugeburt, Früehgeburt. Aloufsteue finget der hie:
www.wie-gehts-dir.ch (Online Infos und Angebote direkt finden)
143.ch / 143
promentesana.ch / 0848 800 858
Los üsi Playlist zum Podcast:
https://open.spotify.com/playlist/5YDf2AevoGyVkRyF6doBYC?si=c3f759c9e01b4ba3

Foug üs uf Instagram:
https://www.instagram.com/dosaesekt_lattaeroscht_/

Schrib nis es Mail:
dosaesekt_lattaeroscht@gmx.ch...

16_Review

‧ 57m 53s

Dosäsekt und Lattäroscht, e Podcast vo zwöi Fründinne, wo zäme geng nach meh sträbe. Meh Töifi, meh Offeheit, meh Nacktheit. Mir zeige üs, wimer si, womer stöh und wie mir ufs Läbe luege. Nach paarne Fouge näh mir üs Zit, luege zrüg und vüre, analysiere üs und üses Wärk - u starte so gmüetlech is nöie Jahr.

15_Erfolg Teil 2

‧ 46m 30s

Erfolg macht schön, seit me. Isch das so? Was isch vermeintlech so aziehend a erfolgriche Mönsche? Mir rede miter Giuli über das und meh.

Bsuech dWebsite vor Giuli:
www.giulijam.com

14_Erfolg Teil 1

‧ 57m 48s

DGiuli het es eigets Gschäft, GiuliJam, dür das het sie sich intensiv mitem Thema Erfolg beschäftiget. Was isch Erfolg, wie wird me erfolgriich, was bruchts derfür? Mir kläres ds dritt i dere Foug.

Bsuech dWebsite vor Giuli:
www.giulijam.com

13_Traumabewältigung

‧ 61m 3s

Der Nicu verzeut offe und ohni Hemmige vo sire Chindheit u Jugend u dervo, wi er sich vo auem innere Schmärz mit Droge betöibt het, sich aber schlussändlech säuber wieder drus use kämpft het.

Triggerwarnig: Es chöme Theme wi Missbruch und Sucht vor. Mir si keni Fachpersone und hei kes fundierts Wüsse übere Umgang mit serigne Problem. We dir öich nid fit füehlet, fürne happigi Gschicht, löht die Foug usse.

We du psychischi Problem hesch und nüm witer weisch, gits verschiedeni Steue, wod di chasch drah wände:
Dargebotene Hand: Tel. 143
Pro Mente Sana: Tel. 0848 800 858 / www.promentesana.ch...

< Vorherige Seite

2/4

Nächste Seite >