30_Jubiläum

Shownotes

Dosäsekt & Lattäroscht wird 30gi und mir fiire das! Zwüsche üsere Idee, zäme e Podcast ds mache und dere 30. Foug hüt isch so viu passiert, es fröit üs, dass dir üs daderbi begleitet heit und mir hoffe, dass dir ou in Zuekunft Lust heit uf üsi Stimme.

Usere chline Idee use heimer mit viu Ungerstützig üses Abentür gstartet. Am Afang heimer is zersch mau müesse igroove. Zum Bispiu Lehre, ines Mikrophon ds rede, ohni nervös ds wärde… Auso heimer eifach mau der Ufnahmechnopf drückt während üsne Gspräch. Das het bishär unveröffentlechts Material ergä, womer itz zämegschnitte hei und öich hüt hie aus Sketche präsentiere. Dadermit isch üsi Jubiläumsfoug öpis ganz speziells.

Wi immer fröie mir üs über Feedback vo öich. Bezüglech de Theme, de Gescht, Frage oder natürlech ou Malheur, wonis passiere 😉 Zur letschte Foug mitem Bäru heimer so viu Rückmäudige becho wi no nie, danke viu tusig Mau 💞 Und witer so, liebi Lüt, mir lehre so viu, ou dür öich, und mir wei üs immer witerentwickle.

Üsi letschti Witerentwicklig beschäftiget üs momentan gad ziemlech fescht: Üses eigete Podcastrümli. Mir si am Irichte und üs zwägnusche, und i zwo Wuche wärdet dir di erschti Foug us däm Rümli ghöre, mir fröie nis so fescht!